ਪੰਚਾਇਤੀ ਚੋਣਾਂ ਨੂੰ ਮੁੱਖ ਰਖਦਿਆਂ ਕੁਝ ਗੱਲਾਂ
ਡੇਮੋਕ੍ਰੇਸੀ ਵਿੱਚ ਵੋਟ ਦੇ ਅਧਿਕਾਰ ਨੂੰ ਬਹੁਤ ਮਹੱਤਵਪੂਰਣ ਅਧਿਕਾਰ ਵਜੋਂ ਪੇਸ਼ ਕੀਤਾ ਜਾਂਦਾ ਹੈ । ਕਿਹਾ ਜਾਂਦਾ ਹੈ ਕਿ ਤੁਹਾਡੀ ਵੋਟ ਹੀ ਤੁਹਾਡੀ ਤਾਕਤ ਹੈ । ਵਿਧਾਨਸਭਾ ਚੋਣਾਂ ਅਤੇ ਲੋਕਸਭਾ ਚੋਣਾਂ ਦੌਰਾਨ EVM ਦੀ ਵਰਤੋਂ ਸਵਾਲਾਂ ਦੇ ਘੇਰੇ ਵਿਚ ਹੈ । ਕਹਿਣਾ ਮੁਸ਼ਕਿਲ ਹੈ ਕਿ ਵੋਟ ਸੱਚਮੁੱਚ ਤੁਹਾਡੀ ਤਾਕਤ ਹੈ ਜਾਂ ਨਹੀਂ । ਪਰ ਜੇ ਗੱਲ ਕਰੀਏ ਪੰਚਾਇਤੀ ਚੋਣਾਂ ਦੀ ਅੱਜ ਵੀ ਤੁਹਾਡੀ ਵੋਟ ਦੀ ਤਾਕਤ ਹੈ ।
ਪੰਚਾਇਤੀ ਚੋਣਾਂ ਦਾ ਉਤਸਵ ਸੱਚਮੁੱਚ ਇੱਕ ਮੌਕਾ ਹੈ ਆਪੋ ਆਪਣੀਆਂ ਵੋਟਾਂ ਦੀ ਤਾਕਤ ਦਾ ਸਹੀ ਇਸਤੇਮਾਲ ਕਰਨ ਦਾ ਕਿਉਂਕਿ ਤੁਹਾਡੀ ਇਕ ਇਕ ਵੋਟ ਨੇ ਤੁਹਾਡੇ ਪਿੰਡ ਦਾ ਭਵਿੱਖ ਤਹਿ ਕਰਨਾ । ਵੋਟਰ ਹੋਣਾ ਇਕ ਜਿੰਮੇਵਾਰੀ ਹੈ ,ਜਿਸ ਨੂੰ ਇਮਾਨਦਾਰੀ ਨਾਲ ਪਿੰਡ ਦੇ ਭਲੇ ਲਈ ਇਸਤੇਮਾਲ ਕਰਨਾ ਹਰ ਇਕ ਦਾ ਨੈਤਿਕ ਫਰਜ਼ ਬਣਦਾ ਹੈ । ਬਾਅਦ ਚ ਰੋਣੇ ਰੋਣ ਨਾਲੋਂ ਪਹਿਲਾਂ ਹੀ ਚੰਗੇ ਬੰਦਿਆਂ ਨੂੰ ਵੋਟਾਂ ਪਾਓ , ਪਰ ਸਵਾਲ ਇਹ ਵੀ ਜੇ ਚੰਗਾ ਬੰਦਾ ਹੋਵੇ ਹੀ ਨਾ ਕੋਈ ਦੌੜ ਵਿੱਚ ?? ਇਹ ਸਵਾਲ ਯਕੀਨੀ ਤੌਰ ਤੇ ਸਭ ਦੇ ਮਨਾਂ ਅੰਦਰ ਪੈਦਾ ਹੁੰਦਾ ਹੋਣਾ । ਚੰਗੇ ਬੰਦੇ ਚੁਣਨ ਲਈ ਪਹਿਲਾਂ ਚੰਗੇ ਬੰਦਿਆਂ ਨੂੰ ਦੌੜ ਵਿੱਚ ਸ਼ਾਮਿਲ ਕਰੋ ।
ਨੌਜਵਾਨ , ਪੜ੍ਹੇ ਲਿਖੇ ,ਸਮਾਜ ਸੇਵੀ ਬੰਦੇ ਅੱਗੇ ਆਉਣ । ਹੁਣ ਗੱਲ ਇਹ ਵੀ ਹੈ ਕੇ ਇਸ ਕਿਸਮ ਦੇ ਬੰਦੇ ਵਚਾਰੇ ਪੈਸੇ ਕਿਥੋਂ ਲਿਆਉਣ । ਪੈਸਾ ਕਰਨਾ ਵੀ ਕੀ ਹੈ । ਸ਼ਰਾਬ ਨਾ ਵੰਡੋ ਵੋਟ ਮੁੱਲ ਨਾਂਹ ਖਰੀਦੋ। ਪਰ ਜੇ ਸ਼ਰਾਬ ਤੇ ਪੈਸੇ ਨਾ ਵੰਡੇ ਫਿਰ ਵੋਟ ਕਿਵੇਂ ਮਿਲੂ । ਲੋਕਾਂ ਨੂੰ ਯਕੀਂਨ ਦਵਾਓ ਕੇ ਸ਼ਰਾਬ ਤੇ ਪੈਸੇ ਦੇਣ ਵਾਲੇ ਤੁਹਾਡਾ ਭਲਾ ਨਹੀਂ ਕਰ ਸਕਦੇ ,ਚੌਦਰ ਕਰ ਸਕਦੇ ਸਿਰਫ ਜਾਂ ਮੰਤਰੀਆਂ ਦੀ ਚਮਚਾਗਿਰੀ । ਚੰਗੇ ਉਦੇਸ਼ਾਂ ਨੂੰ ਲੋਕਾਂ ਅੱਗੇ ਰੱਖਿਆ ਜਾਣਾ ਜਰੂਰੀ ਹੈ । ਚੰਗੇ ਬੰਦੇ ਕਾਮਯਾਬ ਹੋਣਗੇ ਜਾਂ ਨਹੀਂ ਕਹਿ ਨਹੀਂ ਸਕਦੇ ਪਰ ਘੱਟੋ ਘੱਟ ਇੱਕ ਵਾਰੀ option ਚ ਚੰਗਾ ਬੰਦਾ ਹੋਊਗਾ ਤਾਂ ਸਹੀ । ਜੇ ਚੰਗੇ ਬੰਦਿਆਂ ਦੀ ਹਾਰ ਵੀ ਹੋਜੂ ਅਸਲ ਵਿਚ ਉਹ ਹਾਰ ਓਹਨਾ ਲੋਕਾਂ ਦੀ ਹੋਊ ਜਿਹਨਾਂ ਨੇ ਨਸ਼ੇ ਤੇ ਪੈਸੇ ਦੇ ਲਾਲਚ ਵਿਚ ਵੋਟ ਗ਼ਲਤ ਬੰਦੇ ਨੂੰ ਦਿੱਤੀ ।
ਪਿੰਡਾਂ ਦੇ ਲੋਕੋ ਆਹੀ ਇੱਕ ਮੌਕਾ ਆਪਣੀ ਵੋਟ ਦੀ ਤਾਕਤ ਨੂੰ ਤਾਕਤ ਦੇ ਰੂਪ ਵਿੱਚ ਇਸਤਮਾਲ ਕਰਨ ਦਾ , ਜਥੇਬੰਦ ਹੋਕੇ ਪਿੰਡਾਂ ਦਾ ਸਰਬਪੱਖੀ ਵਿਕਾਸ ਕਰਨ ਦਾ । ਸੂਬਾਈ ਜਾਂ ਕੌਮੀ ਪੱਧਰ ਦਾ ਬਦਲਾਵ ਵੀ ਹੋਜੂ ਪਹਿਲਾਂ ਪਿੰਡਾਂ ਦਾ ਬਦਲਾਵ ਕਰੋ , ਨੁਹਾਰ ਬਦਲ ਕੇ ਰੱਖ ਦਿਓ । ਨਹੀਂ ਤਾਂ ਫੇਰ ਇਹ ਤਾਂ ਟੈਗ ਆਪਣੇ ਸਭ ਤੇ ਲੱਗਿਆ ਹੋਇਆ ,ਪੱਕਾ ਵੀ ਹੋਜੂ "ਦਾਰੂ ਦੀ ਬੋਤਲ ਪਿੱਛੇ ਵੋਟ ਪਾਉਣ ਵਾਲੇ"। ਸ਼ਰੀਕਾ-ਕਬੀਲਾ , ਨਿੱਜੀ ਹਿਤ, ਇਹ ਸਭ ਤੋਂ ਉੱਪਰ ਉੱਠ ਜੋ ਕਿਉਂਕਿ ਕਹਿਣ ਨੂੰ ਆਪਾਂ ਸਰਬੱਤ ਦਾ ਭਲਾ ਮੰਗਣ ਆਲੇ ਲੋਕ ਹਾਂ । ਆਪੋ ਆਪਣੇ ਪਿੰਡ ਨੂੰ ਐਸਾ ਬਣਾਓ ਕੇ ਹੋਰ ਪਿੰਡ follow ਕਰਨ ।ਕਹਿਣ ਨੂੰ ਇਹ ਗੱਲਾਂ ਬਹੁਤ ਸੌਖੀਆਂ ਨੇ ਪਰ ਪ੍ਰਯੋਗੀ ਤੌਰ ਤੇ ਅਪਣਾਉਣੀਆਂ ਤੇ ਇਸ ਰਾਹ ਤੇ ਚੱਲਣਾ ਔਖਾ ਸ਼ਇਦ - ਬਲਦੀਪ
No comments:
Post a Comment